Monthly Archives: November 2016

Բազմացում, Բազմացում սերմերով, Բույսեր, Ջերմություն

Որ բույսերը կարելի է ցանել ձմռան շեմին

Leave a comment

Ձմռան շեմին (նոյեմբերին կամ դեկտեմբերի սկզբին) ցանում են երբ դեռ ձյունածածկ չկա, օդի ջերմաստիճանն էլ մոտավորապես +20 С է և այլևս կտրուկ տաքանալու վտանգ չկա: Սա կարևոր է, քանի որ անհրաժեշտ է որպեսզի  սերմերը չծլեն մինչև ցրտերն ընկնելը. Ծլած սերմերը չեն դիմանում ձմռան ցրտերին:  Նույն պատճառով սերմերը ցանում են առանց թրջելու՝ չոր վիճակում:
Ցանելուց հետո լավ կլինի ցանված տարածքը ցանքածածկել 3-4 սմ բարձրությամբ տորֆով, կոմպոստով կամ փտած գոմաղբով:
Իսկ հիմա թվարկենք բանջարեղենի և ծաղիկների այն տեսակները, որոնք կարելի է ցանել ձմռան շեմին:

Բանջարեղեն

  • Գազար (Марковь)
  • Վայրի գազար (Пастернак)
  • Ճակնդեղ (Свекла)
  • Սոխ (Лук репка)
  • Սխտոր (Чеснок)
  • Սամիթ (Укроп)
  • Մաղադանոս (Петрушка)
  • Նեխուր(Сельдерей)
  • Հազար (Салат)
  • Մանանեխ սալաթային (Горчица салатная)
  • Սպանախ (Шпинат)
  • Պեկինյան կաղամբ (Пекинская капуста)
  • Ամսական բողկ (Редис) (տերևների համար)
  • Շաղգամ (Репа) (տերևների համար)

Ծաղիկներ

  • Աստղածաղիկ (Астра)
  • Գոդեցիա (Godetia, Годеция)
  • Իբերիս (Iberis, Иберис)
  • Վաղենակ (անգլ.՝ Marigold, ռուս.՝ Календула, լատ.՝ Calendula)
  • Զարդենի (Cosmos, Космея)
  • Լավատերա (Lavatera, Лаватера)
  • Կակաչ (Мак)
  • Շահպրակ (Matthiola, Маттиола)
  • Հափրուկ (Reséda, Резеда)
  • Էշշոլզիա (Eschschólzia, Эшшольция)
  • Վառվռուկ (Alýssum, Бурачок)
  • Տերեփուկ (Centauréa, Василек)
  • Ցմախ (Gypsophila, Гипсофила)
  • Նարդոս (Lavender, Лаванда)
  • Արծվամագիլ (Granny’s bonnet, Аквилегия)
  • Ոջլադեղ (Delphinium, Дельфиниум)
  • Գարնանածաղիկ (Prímula, Примула)
  • Գայլարդիա (Blanket flower, Гайлардия)
  • Լիխնիս (Lychnis, Лихнис)
  • Լուպին  (Lupinus, Люпин)
  • Մեխակ (Carnation, Гвоздика)
  • Երիցուկ (անգլ.՝ Chamomile, ռուս.՝ Ромашка, լատ.՝ Matricária)
  • Հազարտերևուկ (Achillea,Тысячели́стник )
  • Մանրատերևուկ (Բutterweed, Erígeron, Мелколепестник)
  • Արաբիս (Rockcress, Arabis, Резу́ха, Арабис)
  • Զանգակ կարպատյան (Tussock bellflower, Campanúla carpática, Колокольчик карпатский)

Բույսեր, Դեկորատիվ թփեր, Դեկորատիվ ծառեր, Թփեր, Խոտաբույսեր, Ծառեր, Սաղարթավոր զարդաբույսեր, Սենյակային բույսեր

Բաղրջուկ

Leave a comment

Բաղրջուկը (Չինական վարդ, անգլ․՝ Hibiscus, ռուս․՝  Гибискус, լատ․՝ Hibiscus) պատկանում է տուղտազգիների ընտանիքին: Բույսի հայրենիք համարվում են հարավային Չինաստանը և հյուսիսային Հնդկաստանը:

Բաղրջուկների ցեղը շատ մեծ է` 25 տեսակից ավելի: Դրանք ցածր ծառեր են, թփեր, խոտաբույսեր: Իրենց հայրենիքում օգտագործում են կահույք, նավակներ սարքելու,  իսկ ցողուններից մանրաթել պատրաստելու համար: Թելից գործում են պարկեր,  բրեզենտներ, ցանցեր, պարաններ, իսկ մնացորդներից պատրաստում են կոպիտ թուղթ, մեկուսիչ շինանյութեր:

Որոշ տեսակների մատղաշ շիվերն ու տերևները  տեղի բնակիչները օգտագործում են ճաշի մեջ` որպես բանջարեղեն:

Սենյակային պայմաններում հիմնականում աճեցնում են չինական վարդի Hibiscus rosa chinensis տեսակը, որը սովորաբար ծաղկում է վաղ գարնանից մինչև ուշ աշուն, իսկ բարենպաստ պայմանների դեպքում` նույնիսկ ձմռանը:

Այս ցեղին պատկանող մյուս տեսակը՝ սիրիական բաղրջուկը մեր պայմաններում ազատ ձմեռում է բաց գրունտում և հանդիպում է ամենուրեք:

Չինական վարդը բազմացնում են կտրոններով` գարնանը, որոնք վերցնում են ճյուղերի ծայրերից, արմատակալեցնում և հետո տնկում 7-9 սմ-անոց թաղարներում:

Ամռան ընթացքում բույսը մի քանի անգամ պիտի սնուցել: Ձնռան ընթացքում բույսը պահում են 12-15 աստիճան ջերմության պայմաններում` խիստ պակասեցնելով ջրելը:

Աղբյուր` www.ankakh.com

Հղումներ
Բույսեր, Խոտաբույսեր, Սաղարթավոր զարդաբույսեր, Սենյակային բույսեր

Քլորոֆիտում

Leave a comment

Քլորոֆիտումը (անգլ.՝ Spider Plant, ռուս.՝ Хлорофитум, լատ.՝ Chlorophytum) ամենատարածված սենյակային բույսերից է: Դա զարմանալի չէ, քանի որ այն շատ արագ է մեծանում, ունի  կորացած գեղեցիկ տերևներ,  գարնանը ու ամռանը նրա բարակ ցողուններին հայտնվում են մանր սպիտակ ծաղիկներ, իսկ հետո փոքրիկ տերևների փունջ: Դրանք կարելի է  առանձնացնել և արմատակալել:  Քլորոֆիտումի  ճանաչված լինելու մյուս պատճառը նրա դիմացկունությունն է: Այս բույսը սիրում է ցրված, պայծառ լույս, բայց կարող է լավ աճել նաև կիսաստվերում:

Քլորոֆիտում փուփուլավորը` Chlorophytum comosus շատ երկրներում աճեցնում են ավելի քան 200 տարի: Կորացած տերևները գեղեցիկ փունջ են կազմում, երկար ծաղկատարների վրա աճում են դուստր տերևային փնջերը: Քլորոֆիտումը կարելի աճեցնել հոլերում կամ աստիճանավանդակներում, ինչպես նաև լողարաններում, եթե այնտեղ պատուհան կա:
 
Խնամքը
 
Ջերմաստիճանը` չափավոր: Ձմռանը  8°С-ից ոչ ցածր: Չնայած  դիմացկուն Քլորոֆիտումը չի մահանա ոչ բարենպաստ ջերմաստիճանի դեպքում, բայց դա կազդի նրա արտաքին տեսքի վրա: Սառը միջանցահովիկը կամ  չտաքացվող պատուհանի մոտ լինելը նրան կվնասի:
Լուսավորությունը` Պայծառ  ցրված լույս: Լավ է աճում արևմտյան կամ արևելյան  պատուհանների մոտ : Կարող է աճել նաև հյուսիսային պատուհանի մոտ , բայց մութ տեղում բույսը կորցնում է իր դեկորատիվ ու հաճելի տեսքը: Հարավային  պատուհանի մոտ անհրաժեշտ է մի փոքր ստվերել:
Ջրելը` հողը չորանալուց հետո, առատ, գարնանից մինչև աշուն:  Ձմռանը ջրել չափավոր:
Պարարտացնել` մարտ ամսից մինչև օգոստոս, երկու շաբաթը մեկ անգամ, ջրի մեջ լուծել հատուկ պարարտանյութեր նախատեսված դեկորատիվ-տերևավոր բույսերի համար:
Օդի խոնավությունը` ամռանը ժամանակ առ ժամանակ  տերևները ցողել կամ կազմակերպել գոլ ցնցուղ: Ցողելը անհրաժեշտ է, եթե բույսը գտնվում է ջեռուցող սարքի  մոտ:
Տեղափոխումը` ամեն տարի փետրվար-մարտ ամիսներին: Խոշոր բույսերը կամ հները տեղափոխում են երկու տարին մեկ, բայց սնուցում են ամեն տարի: Քլորոֆիտումը ունի մեծ հաստ արմատներ և նրանց մեծանալու դեպքում  թաղարը կարող է հատակից ճաքել,այդ պատճառով  նրա համար պատրաստում են ընդարձակ աման:
Բազմացումը` արմատակալում դուստր փնջերից, ինչպես նաև տեղափոխման ժամանակ անջատելով իրարից արմատները: Դուստր փունջը արմատակալում է ինչպես հողում, այնպես էլ ջրի մեջ:
 
WP_20170213_013
 

Առանց հողի, ջրի մեջ քլորոֆիտում աճեցնելը

Կամայական ձևի կավե,ապակյա կամ պլաստիկ անոթի մեջ լցնում են կերամզիտ, պերլիտ, խոշոր ավազ կամ մանր քարեր և տնկում քլորոֆիտումը։ Լցնում են թորած, իսկ դրա բացակայության դեպքում, հնեցված, քլորազերծ ջուր՝ այնան, որ միայն արմատները, իրենց երկարության մեկ քառորդով լինեն ջրի մեջ։
Տեղադրում են սենյակում կամ դրսում, արևի ուղիղ ճառագայթներից պաշպանված տեղում։ Խայտաբղետ տեսակներն ավելի շատ լույս են պահանջում։ Շաբաթը մեկ պետք է փոխել ջուրը և լվանալ բույսի արմատները։
Հղումներ
Բույսեր, Ծառեր, Մրգատու ծառեր, Սենյակային բույսեր

Լիմոն

Leave a comment

Լիմոնը (անգլ.՝ Lemon, ռուս.՝ Лимон, լատ.՝ Citrus limon) սատապազգիների ընտանիքի ցիտրուս ցեղի մշտադալար մերձարևադարձային բույս է, որը վաղուցվանից աճեցվում է բնակարաններում։

Լիմոնի հայրենիքը Հարավարևելյան Ասիան է: Ավելի քան 1000 տարի առաջ լիմոնը Հնդկաստանից բերվել է Միջերկրականի ափեր, իսկ այնտեղից՝ Ամերիկա և Աֆրիկա:
Վայրի լիմոն մեր ժամանակներում այլևս չկա:

Հայաստանում սխալ կարծիք կա, իբր “կիտրոն”-ը “լիմոնի” հայերեն անվանումն է։ Իրականում դրանք տարբեր ցիտրուսային մրգեր են և չի կարելի լիմոնին (Citrus limon) կիտրոն (Citrus medica) անվանել։

Լիմոն աճեցնելը սենյակային պայմաններում

Ծաղկամանում աճեցված լիմոնի ծառը չի կարող հասնել բաց գրունտում աճած լիմոնի ծառի մեծությանը: Այնուամենայնիվ սենյակային պայմաններում նախընտրելի է աճեցնել լիմոնի այն տեսակները, որոնք ամենալավն են իրենց զգում ծաղկամանում։ Մասնավորապես, այդպիսիք են՝

  • Մեյեր տեսակի լիմոնի թզուկ տեսակը (Meyer Improved dwarf);
  • Լիսբոն տեսակը (Lisbon);
  • Պանդերոզա լիմոնի թզուկ տեսակը (Ponderosa dwarf)։

Խնամքը

Լուսավորությունը

Լիմոնին անհրաժեշտ է պայծառ լուսավորություն, սակայն առանձնապես երիտասարդ ծառերը պետք է պաշտպանել Արևի կզիչ ճառագայթներից: Սենյակում ամենահարմար տեղը հարավարևելյան պատուհանի գոգն է: Հյուսիսային պատուհանի գոգին, առանձնապես ձմռան ամիսներին,  լրացուցիչ լուսավորության կարիք կառաջանա, իսկ հարավային պատուհանագոգին կարիք կառաջանա փոքր ինչ ստվերելով պաշտպանել բույսը կեսօրի Արևի կիզիչ ճառագայթներից:

Օդի ջերաստիճանը

Գարնանը, երբ գոյանում են լիմոնի բողբոջները սենյակում պետք է լինի 14-16°С: Ավելի բարձր ջերմաստիճանը կարող է չորացնել բողբոջները ու դրանց թափվելու պատճառ դառնալ, իսկ ավելի ցածրը  կարող է դանդաղեցնել կամ ընդհանրապես կասեցնել բողբոջելը: Աճի մյուս փուլերում բարենպաստ է մինչև 26°С օդի ջերմությունը:

Զմռանը լավ կլինի ապահովել սենյակի օդի 10-14°С ջերմություն:

Օդի խոնավությունը

Խորհուրդ է տրվում լիմոնը մշտապես ցողել նախապես եռացված, գոլ ջրով։ Հատկապես կարևոր է դա անել ամռան շոգ օրերին և ձմռանը, եթե լիմոնի ծառը գտնվում է այն սենյակում, որտեղ տեղակայված են ջեռուցման սարքեր:

Էտելը

Լիմոնը էտում են ծառի գեղեցիկ սաղարթամաս ստանալու և ծառի բերքատվությունն ավելացնելու համար:

Երբ ծառը հասնում է գրունտից 20-25 սմ բարձրության, կողային ճյուղեր ստանալու նպատակով կենտրոնական ճյուղը քշտում են (կտրում են): Պետք է նկատի ունենալ, որ պտուղներ սկսում են գոյանալ միայն ներքևից հաշված 4-5 հարկի ճյուղերից սկսած: Այնպես  որ, քանի դեռ այդ ճյուղերը չկան, բերքի սպասելն անիմաստ է:

Ծառի համաչափ աճն ապահովելու համար, 10 օրը մեկ պատք է մի փոքր շրջել բույսը սեփական առանցքի շուրջ:

Ծառի սաղարթի ձևավորումն անում են նաև բերքը հավաքելիս: Պտուղը կտրում են ոչ միայն պոչի, այլ ճյուղի 2-3 հանգույցների հետ, ինչը խթանում է ճյուղի հետագա աճը:

Վնասատուները

Ցիտրուսայինների հիմնական վնասատուներն են՝

  • Վահանակիրը և կեղծ վահանակիրը (Diaspididae, Истинная и ложная щитовки);
  • Սարդոստայնային տիզը (Spider mite, Паутинный клещ, Tetranychidae);
  • Սպիտակաթևիկ (Белокрылка);
  • Ուտիճը (Aphid, Тля)։

ԻՆՉՊԵՍ ՍԵՆՅԱԿԱՅԻՆ ԲՈՒՅՍԵՐԸ ՊԱՇՏՊԱՆԵԼ ՎՆԱՍԱՏՈՒՆԵՐԻՑ ==>

ԲՈՒՅՍԵՐԻ ԲՈՒԺՄԱՆ ԵՒ ԽՆԱՄՔԻ ԺՈՂՈՎՐԴԱԿԱՆ ՄԻՋՈՑՆԵՐ ==>

Հղումներ

Բույսեր, Դեկորատիվ թփեր, Թփեր, Խոտաբույսեր, Սաղարթավոր զարդաբույսեր, Սենյակային բույսեր

Ալտերնանթեր

Leave a comment

Alternanthera brasiliana

Ալտերնանթեր (անգլ.՝ Alternanthera, ռուս.՝ Альтернантера, լատ.՝ Alternanthera) պատկանում է հավակատարազգիների ընտանիքին։ Հայրենիքը Հարավային Ամերիկան է։
Խիտ ճյուղավորվող, ծնկավոր, փխրուն ցողուններով, տարբեր նրբերանգներով, հակադիր տերևներով, 10-25 սմ բարձրություն ունեցող բազմամյա բույս է, որը գորգային բույսերի մեջ լավագույններից մեկն է համարվում։
Հողը՝ pH: 6,1-7,8 – պարարտ, թեթև, ավազակավային հողեր:
Ջրելը՝ չափավոր:
Լույսը՝ պայծառ լույս, կիսաստվեր:

Տեղը
Պայծառ գունավորված տերևներ ձևավորելու համար բույսին անհրաժեշտ է լավ լուսավորություն: Ստվերում աճող բույսի տերևները դալուկ են ու կանաչ:
Ալթերնանտը լավ է աճում սենյակային ջերմաստիճանին: Տաքերն ընկնելուց հետո խորհուրդ է տրվում բույսը տեղափոխել բաց երկնքի տակ՝ մինչև աշնանային ցրտերի սկսոելը:
Օդի ամենից հարմարավետ ջերմաստիճաններն են՝
ամռանը՝ +18 °С – +28 °С;
ձմռանը՝ ոչ ցածր +14 °С-ից:

Օդի խոնավությունը՝ չափավոր: Ձմռանը խորհուրդ է տրվում բարձրացնել խոնավությունը:
Խնամքը
Փետրվարից օգոստոս, 2-3 շաբաթը մեկ սնուցել ազոտի ցածր պարունակությամբ, կոմպլեքսային, հեղուկ պարարտանյութով և/կամ օրգանական պարարտանյութերով:
Լավ է տանում էտումը:
Երկու տարին մեկ տեղափոխում են ավելի մեծ ծաղկամանի մեջ: Լավ է աճում հավասար ծավալներով վերցված ճմահողից, տերևահումուսից, փտած գոմաղբից և ավազից (1:1:1:1) կազմված հողախառնուրդում:

Բազմացումը՝ կտրոններով, սերմերով:
Սերմերը ցանում են օդի +12+18 ջերմաստիճանի ժամանակ:
Սերմնաբույսերը կարող են այլ գույն ունենալ:
Կտրոններով բազմացման դեպքում՝

  • սուր դանակով, տերևահանգույցի տակից կտրելով պատրաստում են կտրոնները և հեռացնում ներքևի տերևները;
  • կտրոնները՝ մինչև առաջին տերևները խորացնելով, արմատակալման են դնում փակ գրունտում՝ ապրիլին;
  • արմատակալումն արագացնելու համար, կտրոնը ծածկում են բաժակով կամ ցելոֆանե տոպրակով;
  • արմատակալումը արագ է ընթանում՝ 3-7 օրում: Վերջնական արմատակալման մասին վկայում են նոր հայտնված տերևները;
  • արմատակալած կտրոնը տեղափոխում են 7 սմ տրամագծով ծաղկաթաղարների մեջ;
  • մեկ շաբաթ կոփելուց հետո, երբ ցրտահարության վտանգ չկա, բույսը տեղափոխում են բաց գրունտ:
Խմբով տնկելիս, բույսերի միջև թողնում են 20-50 սմ տարածություն:
Ցրտադիմացկունությունը՝ չի դիմանում ցրտահարությանը:

Ալտերնանթերի տեսակները

  • Alternanthera albotomentosa Suess.
  • Alternanthera angustifolia R.Br. – Ալտերնանթեր նեղ տերև (narrow-leaf joyweed)
  • Alternanthera bettzickiana – calico-plant

Alternanthera bettzickiana

  • Alternanthera brasiliana (L.) Kuntze –Ալտերնանթեր բրազիլական (Brazilian joyweed)

  • Alternanthera caracasana Kunth –Ալտերնանթեր անփայլ ծաղիկ (mat chaff-flower, washerwoman)
  • Alternanthera crucis Bold. – Ալտերնանթեր վեստինդիական (West Indian joyweed)
  • Alternanthera denticulata – lesser joyweed

Alternanthera denticulata

  • Alternanthera echinocephala (Hook.f.) Christoph. – Ալտերնանթեր ծովային (spiny-headed chaff flower, seaurchin joyweed)
  • Alternanthera ficoidea – parrotleaf, sanguinarea

Alternanthera ficoidea

  • Alternanthera filifolia (Hook.f.) J.T. Howell
  • Alternanthera flavescens – Ալտերնանթեր դեղին (yellow joyweed)
  • Alternanthera hassleriana Chodat – Hassler’s alternanthera
  • Alternanthera helleri (B.L.Rob.) J.T.Howell 
  • Alternanthera littoralis P.Beauv.
  • Alternanthera maritima (Mart.) A.St.-Hil. – Ալտերնանթեր ծովեզրյա (seaside joyweed)
  • Alternanthera mexicana – Ալտերնանթեր մեքսիկական
  • Alternanthera nana –Ալտերնանթեր փափկափետուր (downy joyweed, hairy joyweed)
  • Alternanthera nodiflora – Ալտերնանթեր տարածված (common joyweed)
  • Alternanthera olivacea
  • Alternanthera paronichyoides A.St.-Hil. – Ալտերնանթեր հարթ (smooth joyweed)

Alternanthera paronichyoides

  • Alternanthera philoxeroides (Mart.) Griseb. – (alligatorweed)
  • Alternanthera pubiflora
  • Alternanthera reineckii Briq.
  • Alternanthera sessilis (L.) DC. – rabbit-meat, sessile joyweed

Alternanthera sessilis

  • Alternanthera tenella Colla
  • Alternanthera versicolor R.Br.
Բարձրությունը՝ մինչև 50-60 սմ:
Հղումներ

Բույսեր, Ջերմություն

Ինչ բույսեր կարելի է պահել ցուրտ սենյակում

Leave a comment

Իլենիները (Spindle, Бересклет) կարելի է պահել -5…+5°C  ջերմաստիճանում: Իլենու Euonymus fortunei «Coloratus» կամ Euonymus fortunei ‘Emerald ‘n’ Gold’ տեսակները  կարող են դիմանալ մինչև -35°C ցրտահարությանը:

Բաղեղները (Ivy, Плющ) կարող են դիմանալ մինչև -10°C ցրտահարությանը:

Կամելիան (Camellia, Камелия) կարող է դիմանալ զրոյից նվազ մինչև -5°C ցրտին, իսկ ամենից հարմարավետ պայմաններն են՝ 0°…+15°C:

Կակտուսները շատ դիմացկուն են ու հարմարվող: Հայտնի է, որ հանգիստ դիմանում են երաշտին, բայց նաև տեսակների մեծամասնությունը հարմարավետ են իրենց զգում +5°C-ի դեպքում:

Ցիտրուսայինները կարող են ձմեռն անցկացնել նվազագույնը +7°C օդի ջերմություն ունեցող վայրում:

Դափնին (laurus, лавр), ինչպես նաև Խորդենին (герань), Ֆուքսիան, Գորտենզիան, Քրիզանթեմը և Շիմշատը (самшит)  կհանդուրժեն +5…+6°C:

Գաճաճ փշատերևները՝ Արաուկարիան, Դրախտանոճին (туя), Նոճին (кипарис), Կրիպտոմերիան կարելի է ձմռանը պահել +6…+10°C օդի ջերմություն ունեցող վայրում: Կարող են դիմանալ մինչև -5°C կարճատև ցրտահարություններին:

Հավամրգին (Heather, Вереск) չի կորցնում իր գեղեցիկ տեսքը նույնիսկ ամբողջովին սառչելուց հետո: Ցրտադիմացկուն է, իրեն շատ լավ է զգում սկսած +5°C-ից:

Լույս

Սենյակում լուսավորության սանդղակ

Leave a comment
Թանձր ստվեր Թանձր ստվերում բույսեր աճեցնելն անհնար է:
Ստվեր Վատ լուսավորված տեղ, որտեղ օրվա ընթացքում մի քանի ժամ, այնուամենայնիվ, հնարավոր է թերթ կարդալ:
Շատ քիչ սենյակային բույսեր կարող են նորմալ աճել ստվերում։ Դրանց շարքում են`

  • Օձաբույսը (անգլ․՝ Aspidistra, ռուս․՝ Аспидистра, լատ․՝ Aspidistra);
  • Ագլաոնեման (անգլ.՝ Aglaonema, Chinese evergreen, ռուս.՝ Аглаонема,  լատ.՝ Aglaonema);
  • Զամիոկուլկասը (Զանզիբարի գանձ, Դոլարի ծառ, անգլ.՝ Zanzibar gem, ZZ plant, Zuzu plant, ռուս.՝ Замиакулькас, Дволларовое дерево, լատ.՝ Zamioculcas);
  • Սանսևիերիան (անգլ.՝ Mother-in-law’s tongue, Devil’s tongue, Jinn’s tongue, Bow string hemp, Snake plant և Snake tongue, ռուս.՝ Сансевие́ра, Сансевье́ра, Тёщин язык, Щучий хвост, լատ.՝ Sanseviera)
  • Լեզվապտերը (Spleenworts, Асплениумы):
 Կիսաստվեր Չափավոր լուսավորված տեղ՝ արևին նայող պատուհանից 1,5-2 մետր հեռավորության վրա կամ արևին չնայող պատուհանի կողքին:
Այսպիսի լուսավորությունը լիովին բավարար է չծաղկող դեկորատիվ բույսերի համար, բայց ոչ բավարար ծաղկողների համար։
Պայծառ, ցրաված լույս Արևին նայող պատուհանի գոգին կամ կողքին՝ 1.5 – 2 մ հեռավորության վրա, բայց ոչ արևի ուղիղ ճառագայթների ներքո:
Այսպիսի լուսավորությունը բարեբեր է շատ բույսերի համար։
Պայցառ ցրված լույս և որոշ ժամանակ արևի ուղիղ ճառագայթներ Արևին նայող պատուհանի կողքին, ուր ցերեկը որոշ ժամանակ ընկնում են արևի ճառագայթները:
Այսպիսի լուսավորությունն ամենալավն է ծաղկող սենյակային բույսերի համար։ Այդպիսի լուսավորում կարող է լինել արևմտյան կամ արևելյան լուսամուտագոգերին և հարավային լուսամուտից 1.5 – 2 մ հեռավորության վրա։
Արևի տակ Ցերեկային ժամերին մշտապես արևով լուսավորվող տեղ՝ օրնակ հարավային պատուհանի գոգին:
Այս պայմանները ծանր են համարվում, քանի որ քիչ սենյակային բույսեր կան, որ դիմանում են արևի ուղիղ ճառագայթներին: Դրանք են, մասնավորապես՝

  • Բաղրջուկը (Չինական վարդ, անգլ․՝ Hibiscus, ռուս․՝  Гибискус, լատ․՝ Hibiscus)
  • Թանձրատերևուկները (անգլ.՝ Jade plant, Friendship tree, Lucky plant, or Money tree, ռուս.՝ Толстянка, լատ.՝ Crassula);
  • Հալվեները (Անմահաթուփ, Ալոե, ռուս․՝ Алоэ, լատ.՝ Aloe);
  • Իշկաթնուկ Միլիուսին (անգլ.՝ Crown of thorns, Christ plant, Christ thorn, ռուս.՝ Молочай Милиуса, լատ.՝ Euphorbia milii);
  • Կակտուսներն ու սուկուլենտները;
  • Կոդիեում խայտաբղետը (անգլ.՝ Garden croton, ռուս.՝ Кодиеум пестрый, Кротон, լատ.՝ Codiaeum variegatum pictum);
  • Մոմաբաղեղը (Հոյա) (անգլ.՝  Waxplant, Waxvine, Waxflower, Hoya, ռուս.՝ Хойя, լատ.՝ Hoya);
  • Պեպերոմիաները (անգլ.՝ Peperomia, ռուս.՝ Пеперомиа, լատ.՝ Peperomia);
  • Մարգարիտների շարանը (անգլ․՝ String of pearls, ռուս․՝ Крестовник Роули, լատ․՝ Curio rowleyanus);
  • Ցիտրուսայինները (անգլ․՝ Citrus, ռուս․՝ Цитрус, լատ.՝ Citrus)

Հիշե՛ք, որ բույսերից շատերը հարմարվում են լուսավորության մակարդակի լայն տիրույթի և կարող են ընդգրկվել մի քանի բաժիններում: Եթե մտադրություն կա բույսը տեղափոխել լուսավորությամբ էականորեն տարբերվող տեղ, ապա պետք է դա անել աստիճանաբար, որպեսզի բույսը սթրեսի չենթարկվի։ Տեղափոխելուց հետո պետք է ուշադիր հետևել բույսին՝ համոզվելու համար, որ այն չափից շատ կամ անբավարար լույսի առկայության նշաններ ցույց չի տալիս։

Տես, թե ինչ բույսեր կարելի է աճեցնել տարբեր ուղղությունների պատուհանների մոտ =>

Արմավենիներ, Բույսեր, Դեկորատիվ ծառեր, Ծառեր, Սենյակային բույսեր

Խամերոփս

Leave a comment

Խամերփոսը (լատ.՝ Chamaerops), արմավենու տեսակ։ Միակ տեսակը Խամերփոս գետնահարն է (Chamaerops humilis)։ Փոքր չափսերի ծառ է՝ վերևում փշոտ տերևներով։

Հղումներ