Խնամքը

Լուսավորությունը

Լուսասեր է, անհրաժեշտ է տեղադրել պայծառ, ցրված լույսի ներքո, ընդորում 12-14 ժամ տևողությամբ: Արևի ուղիղ ճառագայթներից կարող է այրվացքներ ստանալ:

Օդի ջերմաստիճանը

Վեգետացիոն ողջ շրջանում օդի ամենահարմարավետ ջերմաստիճանային տիրույթը +19 – +24 աստիճանն է: Ձմռանըբույսը գտնվում է հանգստի վիճակում և հարմարավետ է +14 – +16 ջերմաստիճանային տիրույթը: Նեմանտանտուսը հանգիստ է տանում օդի ջերմաստիճանի կարճատև անկումները, սակայն +13-ից երկարատև ցածր ջերմաստիճանը վատ ազդեցություն կունենա բույսի արտաքին տեսքին, իսկ +7-ից ցածր ջերմաստիճանի դեպքում տերևները դառնում են շագանակագույն ու թափվում են: +27-ից բարձր ջերմաստիճանն էլ է բացասաբար անդրադառնում բույսի զարգացման վրա:

Ջրելը

Նեմատանտուսը պետք է ջրել սենյակային ջերմաստիճանի, լավ հնեցված, քլորազերծ ջրով: Ամռանը ջրում են առատ և հաճախ՝ հողի վերին շերտի չորանալուն պես: Բույսի հանգստի շրջանում ջրելու հաճախականությունը նվազեցնում են:

Օդի խոնավությունը

Նեմանտանտուսի համար ամենահարմարավետն է օդի 50% խոնավությունը, ընդորում որքան բարձր է օդի տաքությունը այնքան ավելին պետք է լինի օդի խոնավությունը: Օրինակ +27-ի դեպքում՝ 60%:
Շոգ եղանակներին անհրաժեշտ է բույսը ամեն օր ցողել: Ձմռանը ցողել չի կարելի, իսկ եթե անհրաժեշտ է բարձրացնել օդի խոնավությունը, ապա բույսի ծաղկամանը տեղադրում են լայն տակդիրի վրա, որտեղ լցնում են շլակ կամ կեռամզիտ ու ջուր՝ այնպես, որ ծաղկամանը ջրից բարձր լինի:

Էտելը

Նեմատանտուսը առանձնահատուկ է նրանով, որ ծաղիկներն առաջանում են միայն նոր ճյուղերի վրա: Ուստի ծաղկելու շրջանն ավարտվելուց հետո կատարում են խորը, թարմացնող էտ:

Տեղափոխումը

Անհրաժեշտության դեպքում բույսը այլ, քիչ ավելի մեծ ծաղկաման են տեղափոխում գարնանը: Ծաղկամանում դրենաժային շերտ անելը պարտադիր է:
Հողախառնուրդը պետք է լինի փխրուն ու թեթև, որպեսզի թափանցիկ լինի օդի ու ջրի համար: Թթվայնությունը рН 5,5–6 սահմաններում:
Հողախառնուրդի բաղադրությունը՝

• տերևային բուսահող – 2 մաս;
• ավազ – 1 մաս;
• տորֆ – 1 մաս;
• փտած գոմաղբ – 1մաս:

Խորհուրդ է տրվում պատրաստի հողախառնուրդին ավելացնել փայտածուխի մանր կտորներ և մկրատով մանրեցված սֆագնում մամուռ:

Նեմատանտուսի տարածված տեսակներն են՝

• Նեմատանտուս Վեթսթայնի (Нематантус Ветстайна)
• Նեմատանտուս բարձրասրունք (Нематантус голенастый)
• Նեմատանտուս Ֆրիթչի (Нематантус Фритча)
• Նեմատանտուս գետափնյա (Нематантус приречный)

 

Հղումներ

• Nematanthus. From Wikipedia, the free encyclopedia.
• Нематантус. Материал из Википедии — свободной энциклопедии.

• Какие разновидности нематантуса выращивают в домашних условиях․

Պիլեան (Պիլեյա, Pilea, Пилея, լատ.՝ Pilea) տարածված սենյակային բույսերից է, ունի 600–715 գրանցված տեսակներ։

1. Ծաղկելը։ Ծաղկում է հունիսից-հոկտեմբեր ժամանակահատվածում, բայց դրանից առանձնապես չի գեղեցկանում։
2. Լույսի պահանջը։ Երկարատև, պայծառ ու ցրված լուսավորության կարիք ունի։ Կարող է այրվածքներ ստանալ արևի ուղիղ ճառագայթներից։
3. Ջերմային պայմանները։ Տեսակների մեծամասնության համար օդի ջերմաստիճանը շուրջ տարի պետք է լինի +25 աստիճանին մոտ, իսկ օդի +17 աստիճանից ցածր լինելը կարող է լրջորեն վնասել բույսին։ Սակայն կան առանձին տեսակներ, որոնց համար ձմռան ամիսներին հարմարավետ կլինի +10 աստիճանը։
4. Ջրելը։ Տարվա տաք եղանակին ջրում են այնպես, որպեսզի ծաղկամանի հողը միշտ թեթևակի խոնավ լինի։ Ցուրտ եղանակին ջրում են հազվադեպ՝ երբ ծաղկամանի հողի վերին 1/5 մասը չորանում է։
5. Օդի խոնավությունը։ Պահանջում է օդի բարձր խոնավություն։ Խորհուրդ է տրվում ծաղկամանը դնել ջրի մեջ ընկղմված քարերի վրա, կամ ջրով լի ամանն եր դնել կողքին։ Տերևները ցողել չի կարելի։
6. Սնուցումը։ Վեգետացիոն շրջանում պարարտանյութերով բույսի սնուցումը իրականցվում է շաբաթական մեկ անգամ, իսկ հանգստի շրջանում (հոկտեմբեր-փետրվար)՝ 4 շաբաթը մեկ անգամ։
7. Տեղափոխումը։ Նոր, քիչ ավելի մեծ ծաղկամանի մեջ բույսը տեղափոխում են ամեն տարի, վեգետացիոն շրջանի սկզբում։
8. Հողախառնուրդը պետք է լինի նեյտրալ կամ ցածր թթվայնությամբ։ Կազմում հավասար մասերով պետք է լինեն ավազ, տորֆ, փտած գոմաղբ և ճմահող։
9. Բազմացումը կատարվում է կտրոններով կամ սերմերով։
10. Վնասատուներն են՝ ալրատիզը (Mealybug, мучнистый червец),  վահանակիրը ( diaspididae, щитовка), սարդոստայնային տիզը (spider mite, паутинный клещ, լատ.՝ Tetranychidae) և բշտիկոտները (ծոպաթևեր, տրիպսներ, thrips, трипсы, լատ.՝ Thysanoptera)::Мучнистые червецы, трипсы, паутинные клещи и щитовки.
11. Հիվանդությունները։ Տերևների հետ խնդիրներ կարող են առաջանալ միայն սխալ խնամքի հետևանքով։

Հողախառնուրդ պիլեայի համար

• Տերևային բուսահող – 1 մաս;
• Տորֆ – 1 մաս;
• Փտած գոմաղբ – 2 մաս;
• Կարմիր ավազ – 1 մաս:

Պիլեայի տեսակներ

Պիլեա մանրատերև (անգլ.՝ Artillery plant, Пилея мелколистная, Pilea microphylla)

Պիլեա ձմերուկանման (անգլ.՝ Aluminium plant or Watermelon pilea, ռուս.՝ Пилея Кадье,լատ.՝ Pilea cadierei)

Պիլեա մամռանման (Пилея моховидная, Pilea muscosa Linde.)

Պիլեա միսիոների (Chinese money plant, pancake plant, UFO plant, missionary plant or mirror grass, Пилея монетолистная, Рilea nummulariifolia)

Պիեա ինվոլուկրատա (Friendship plant, Пилея обернутая, Pilea involucrata)

Պիլեա պիպերոմիանման (Пилея пеперомиевидная, Pilea peperomioides)

Պիլեա լիբանանյան (Silver Sprinkles, Пилея либаненсис, Pilea libanensis)

Պիլեա թանձրատերև (Пилея толстолистная, Pilea crassifolia)

Պիլեա սեղմված (пилея прижатая, pilea depressa)

Պիլեա սողացող (пилея ползучая, pilea repens)

Պիլեա ֆոնտանա (Pilea fontana, the lesser clearweed)

Պիլեա գաճաճ (Clearweed, Пилея карликовайа, Pilea pumila)

Պիլեա խոշորատերև (Пилея крупнолистная, Pilea grandifolia)

Պիլեա Սպրուսի (Silver tree, Пилея Спруса Pilea spruceana)

Հղումներ

• Pilea. From Wikipedia, the free encyclopedia.